تنهيدة كتب:
1- " يقولو الجواب بيبان من عنوانه " تفتكر ده صحيح دايما ؟
بالعكس عمر الجواب ما يبان من عنوانة العنوان كتير من الأوقات بيكون مدارى وراه حقيقة صادمة
لكن أعتقد ان لو فعلا الجواب حيبان من العنوان يبقى مع الناس الصادقين بس الا كلامهما صادق من بدايتهة لنهايتة
أولا : أنا محرجة جدا منك
عشان اتأخرت في الرد كده ..من غير قصد سامحيني ثانيا : بحس ان الجواب ساعات بيبان من العنوان : سيماهم على وجوههم ...و مش لازم واحد يكون صادق عشان يبان من العنوان ...ده ممكن يكون سيء و بيعلن عن آراؤه السيئة و بالتالي بيبان من عنوانه! ...
تنهيدة كتب:
2- بتحب إسمك؟ ليه ؟ هو معناه إيه ؟
طبعا بحب أسمى جدااا أولا لان جدتى هى الا مختارة ليه ثانيا لانه شبه اسم ماما فى المعنى والكتابة ثالثا انى كنت تقريبا أنا الوحيدة فى المدرسة الا أسمى نهاد واسمى معناه المكان المرتفع
بحس انه شيء جميل جدا اننا نحب أسامينا ..و السبب بتاعك جميل و دليل حبك لجدتك العزيزة ..و أفهم من كده ان ماما اسمها ناهد؟ ربنا يخليكو لبعض ..وز فعلا اسمك مميز و نادر و أول مرة أعرف معناه مع أنه على اسم عمتي
بس طول عمرنا بنقول لها ( طنت دي دي ) و لحد من كام سنة كدة كنت ماعرفش اسمها !!! لأنها بتفضل نناديها باسم مختصر زي ناس كتير و لأسباب كتير ...
تنهيدة كتب:
3 - لو كنت هتسمّي نفسك ...تختار أي اسم ؟
مش عارفة بس حستلف كلمة وليد ان بجد رحمة ان اهلنا هما الا بيختارولنا أسمنا دا أحنا بنبقى فى منتهى الحيرة واحنا بنختار لنفسنا اى شىء مابالك لو كنا احنا الا بنسمى نفسنا حيكون الوضع ازاى حنبقى من غير اسم خالص وعندنا مثال حى أحمد الصياد كل يومين يغير أسمة الحركى فى الأكاديمية ما بالك لو فى أيديوا يسمى نفسه كان عمر الناس ما حتعرف اسمه:lol:بس ممكن كنت أسمى نفسى عائشة او فاطمة على اسم فاطمة الزهراء
معاكي حق : هي رحمة ان الأسامي بتاعتنا موجودة أصلا قبل ما نختارها و الدليل : حيرة زميلنا أحمد في اختيار اسمه االرمزي للي بيفاجئنا بيه كل كام يوم
بس الأسماء اللي اخترتيها جميلة جدا لشخصيات ثرية و رائعة فعلا
تنهيدة كتب:
4 - لو ربنا رزقك بولدين و بنتين ... تفتكر ممكن تسمّيهم إيه ؟ و ليه ؟
ياسلام حسميهم أجمل أسامى فى الدنيا بس انا دايما بحتار فى اسماء البنات لكن انا بحب اوى اسم ملك ورقية والولاد حسمى واحد عُمر على اسم سيدنا عُمر بن الخطاب أعظم شخصيات العالم...والتانى أياد عجبنى الأسم دا اوى
شكلك بتحبي الأطفال جدا من طريقة كلامك عنهم دايما ..ربنا يرزقك الذرية الصالحة بإذن الله
و الأسماء بتاعتهم جميلة و متنوعة و عجبني بشكل خاص اسم عمر و سبب اختيارك ليه ...ده من أكتر الشخصيات اللي بتعجبني جدا و بحس إنه قدوة رائعة في كل وقت و لكل الناس
تنهيدة كتب:
5 - لمّا تتعرّف لأول مرة على إنسان ... إسمه بيكون من العوامل اللي بيها بتحكم عليه ؟
لا مستحيل يكون الأسم هو اساس الحكم على شخصية الأنسان ولو كان كدا كان كل الا أسمهم محمد أصبحوا كل الناس بتشفهم احسن الناس لان اسمهم على أسم الرسول علية الصلاة والسلام ...كل واحد شخصيتة هى الأساس فى حكمى عليه ....
هو الإسم ممكن يكون بيأثر على صاحبه ساعات و يكون له نصيب فيه ...بس مش أساسي في الحكم على الشخصيات فعلا !
تنهيدة كتب:
6 - تفتكر الإنسان اسمه بيأثر عليه ؟
أكيد لو الأسم وحش أوى حيأثر عليه بس أكيد مش حيكون سبب فى نجاحة أوفشلة:)
7 - لو عرفت إنسان تصرفاته سيئة أو غير مسؤولة أو ضايقك بأي شكل ... هل هتكره اسمه؟
لا طبعا ....بس لو بحب حد وقبلت حد بنفس أسمه دا ممكن يسعدنى
يعني لو قابلت شخص تاني و كان بيحمل اسم الشخص اللي انت متضايق منه هل تنفر منه عشان اسمه بيفكرك بإنسان مش بتحبّه ؟
لا طبعا مش ممكن يحصل كدا ...بس أنا دايما بتصدف معايا أن اتنين بنفس الأسم واحد بضايق من تصرفاتة والتانى بحب كل تصرفاتة ...فعشان كدا أكيد لو أتضيقت من حد حضايق من كل الناس الا على اسمه
6- صحيح ...مش مفروض الإسم يكون سبب في نجاح أو فشل أي حد ...بس ساعات فيه أسماء بتعقد أصحابها طول العمر للأسف !
7- يعني الأسماء مش بتفرق معاكي خااالص؟؟ه11
تنهيدة كتب:
8- تحب أصدقاءك ينادوك بإسمك و لا بلقب محبب ليك ... أو اسم مختصر مثلا ؟
أنا ليه ولا خمسين اسم دلع كل واحد بينادينى بأسم ماما وبابا بأسم وأصحابى أسم وأخواتى أسماء مش أسم واحد وألأطفال الا أعرفهم كل واحد بينادينى على مزاجة وطبعا لانى بحبهم كلهم بحب أى أسم يقولوا عليه وبلاش أقول الأسماء عشان متضحكوش علية
يعني بعد كل الكلام ده ..مش عايزة تقوليلنا و لا على اسم واحد منهم
طيب قولي انتي بس و مش هنضحك .....بصوت عالي يعني تحبي نناديكي بأي اسم يكون مقرب ليكي ؟ تنهيدة كتب:
9 - لمّا تختار تقرا كتاب ... بيجذبك أول حاجة اسمه ...و لا الغلاف و لاّ المحتوى و لاّ الحجم ...و لاّ النوع (رواية أو موسوعة ...الخ)
كتير كان بيجذبنى العنوان فى الأول لكن اكتشفت بعد كدا انى لازم الأول أقرأ المحتوى هو دا الا ممكن يخلينى أقرأ الكتاب أكتر من مرة ...بس فى الروايات بالذات بيجذبنى العنوان الأول....
9- يعني أحيانا الأسامي بتفرق معاكي ؟ بدليل انجذابك للعنوان أحيانا
بس إزاي تقري المحتوى و بعدين تقري الكتاب ؟ 
قصدك تقري نبذة مختصره عنه مثلا؟ : ده أكيد اختيار رائع ...الجوهر هو أهم حاجة فعلا ! تنهيدة كتب:
10- تفتكر اسم الموقع الإلكتروني مفروض يدل على المحتوى اللي جوّاه ؟
أكيد وأنا بكره ان فكرة الموقع تكون بعيدة عن عنوانة ...يعنى أن اكتر شىء جذبنى فى الموقع هنا هو الأسم الا حسسنى بجد بتميز فكرته
بس للأسف مش دايما ده بيحصل ! ساعات العنوان حاجة و المضمون مختلف جدا
تنهيدة كتب:
1- عندك أي تعليق أو تساؤل تحب تضيفه على موضوع الأسماء أو على الأسئلة العجيبة دي ؟
عايز أقول لو الأسماء بتسعد أصحابها كان معظم الناس بقت سعيدة ...
بحيكِ ياغادة على أسئلتك الا دائما فوق العادة والا دايما بكون سعيدة جداا وانا بجاوب علية ....بشكرك ياصديقتى العزيزة على لحظات الصدق الا بعشاها من خلال أسئلتك الجميلة:)flower1
10 - معاكي حق يا نهاد
الجميل جدا هو كلماتك الرقيقة المشجعة للجميع ..و بتدفع للمزيد بروحك الجميلة دي ...و رائع فعلا هو حبك للتعرف على نفسك أكتر و أكتر و اللي بيساعد دايما في اكتشاف العيوب و المحاولة أو الرغبة الصادقة في تغييرها
باشكرك جدا على مشاركتنا لحظات صدقك الجميلة مع نفسك و باتمنى لك كل الخير و السعادة يا صديقتي الجميلة م11
