ليه بترد على مواضيع غيرك ؟؟

[Ghadat2009]

-

ليه بترد على مواضيع غيرك ؟؟

في أكثر من سبب:
1-إن الموضوع يكون حلو فعلا و لمس قلبي بجد فلازم أسجل إعجابي
2-إنه يكون حلو و في حاجة عايزة أعلق عليها و أبلغ رأيي إذ ربما يفيد صاحبه

[/font][/color][/color][/font][/size]

يعني لو موضوع مش حلو مش هتردي عليه؟ مش يمكن صاحبه محتاج جدا يسمع رأيك و يكون هيفيده و يساعده إنه يطور نفسه ؟ و ممكن النقد يكون بشكل ذكي و بسيط بحيث يفيد فعلا الكاتب مهما كان مستوى موهبته !
و من كتاباتك ..واضح انك مثقفة و موهوبة ...وممكن ميكونش تعليقك لتسجيل اعجابك بالموضوع بس ..ده ممكن يبقى له دور ممتاز فعلا ..و لاّ ايه رأيك ؟؟





[quote="donnabella"][/size] -

2 - طيب ..بكل صراحة ...ليه بترد على مواضيع و تسيب مواضيع تانية ؟



ممكن مردش على مواضيع نظرا لضيق الوقت و ظروف العمل و ممكن يكون موضوع إحساسي بيه كان محايد و صراحة سعات بيكون تقصير مني نظرا لضعف كفاءة كتابتي على ال pc باللغة العربية [/quote]


للسبب ده بالذات بادعوكِ لقراءة الاقتراح التالي بشأن الردود ..و أتمنى سماع رأيك فيه :

الآقتراح بالتفصيل




[quote="donnabella"]
3 - لما تعرض موضوع ... تحب كل الأعضاء يردوا عليه ؟ ليه؟
لما أكتب موضوع طبعا ًباستنى ردود الأعضاء - زي ما كنت بستنى نتيجة الإمتحان زمان - لعدة أسباب:[/color][/b][/size]


1-إحنا بالنسبة لبعض الجمهور و مفيش فنان في رأيي ينفع يستمر من غير رأي الجمهور سواء إستحسان أو إستهجان.
2-إحنا بالنسبة لبعض النقاد أيضا فحين ينقدني زميل أهتم جدا و أحاول شرح وجهة نظري إذا كان النقد للفكرة و إذا كان النقد للغة أو الصياغة احاول ان أتفاداه في الكتابات القادمة فالنقد البناء مهم جدا لأي كاتب.

الموضوع ده هايل..إنت جامدة جدا بجد...للأماااااااااااااااام دائما [/quote]

اسمحيلي يا زميلتي العزيزة ..أنا لوّنت أجزاء من كلامك الجميل عشان نتناقش فيهل أو نلقي الضوء عليها:

عجبني جدا رأيك في أسباب انتظارك لتعليقات الزملاء ..احنا فعلا الكتاب و الجمهور و النقاد في نفس الوقت ..و عشان كده باتمنى ان حتى لو الموضوع مش عاجبك أو احساسك بيه محايد زي ما ذكرتي .. ما تحرميش اللي كتبه من ردك اللي أكيد هيهمه انه يعرفه و بالذات من كاتبة متميزة بجد زيك

و باشكرك جداااا على تعليقك الأخير المشجع فعلا ..جزاك الله خيرا

تمنياتي بأمتع و أفيد وقت ليكي و للجميع في أكاديميتنا الحبيبة

[Ghadat2009]

أولا أحب أن أشكرك يا غادة على الموضوع المهم هذا و قد كنت أفكر أن أطرح عليكم ساؤل حول مدى مصداقية الردود ، ليس للشك فيها و لكن فقط الرغبة في التساؤل حول النقد و المجاملات و سأجيب على أسئلتك الهامة

سؤال رائع طبعا ....مع الأخذ في الاعتبار أن النقد ليس المقصود به أن يؤدي للإحباط بل و التوقف أحيانا عن الكتابة ...لكن من الممكن أن يكون بشكل ذكي و في قالب قد يدفع بالظن أنه مجاملة و هو ليس كذلك ...و على فكرة أنا أحب النقد جدا و لكن لو كان بناء و في محله ..و أحس أن الناقد يفيدني جدا في أي كتابات مستقبلية ..

ليه بترد على مواضيع غيرك ؟؟

طبعا سؤال ..أو تساؤل غريب .. بس ليه صحيح؟

هل بتحس إنه واجب لازم تعمله؟ و لا فرصة لمجاملة أصدقاءك و اكتساب محبتهم ؟

و لا عشان زي ما بترد على مواضيعهم ...هم كمان يهتموا بالرد على مواضيعك ؟

و لا هواية عندك : أقصد التحليل أو التقد ؟

و لا بترد فعلا بحب و رغبة في اسعاد الآخرين ؟ أو إفادتهم بمعلوماتك ؟

يالنسبة لسبب الرد على زملائي فهذا للرغبة في التواصل و تبادل الاراء و الاستفادة من أكثر من رأي ، و كذلك أحب الرد على زملائي في أكثر الأحيان لتبادل الأفكار و كذلك لتشجيعهم و الثناء عليهم في حالة ما إذا كان الموضوع جميل و يستحق الثناء...


2 - طيب ..بكل صراحة ...ليه بترد على مواضيع و تسيب مواضيع تانية ؟
قد يحدث هذا فعلا و لكن دون قصد ..ممكن بسبب الوقت ، أو مثلا هناك بعض المواضيع التي تجذبني اليها و لو من خلال العنوان

كمحاولة لحل هذه المشكلة كان لدي اقتراح ..أرجو أن تفيديني في رأيك فيه سواء أعجبك أم لم يعجبك :

الاقتراح بالفصيل

تفتكر لو موضوع أو أسلوب عرض مش عاجبك ..إيه الأحسن : تسييبه من غير رد منك ..و لاّّ نحاول بأسلوبك تلفت نظر الكاتب لبعض الجوانب السلبية في موضوعه ..بدون اساءة أو تجريح ؟

أعتقد أنني ناقدة فاشلة ، لأن فيا داء الحياء و لا أقوى أن أقول لشخص ما أن موضوعه فيه كذا و كذا و لكن في كل الأحوال أحاول أن انقده بطريقة لبقة...
3 - لما تعرض موضوع ... تحب كل الأعضاء يردوا عليه ؟ ليه؟

أتمنى ذلك على طول لأنني هنا لأعرض ما أكتب بيني و بين نفسي من أجل أن أسمع اراء غيري و أعرف أخطائي و أحسن من نفسي....

شكرا مرة أخرى على هذا الموضوع و كل موضوعاتك في الصميم، بوركتِ يا غادة

أولا : الحياء ليس داء بل هو فضيلة محمودة و شعبة من شعب الإيمان .ربما يكون الخجل هو ما تتحدثين عنه
ثانيا : ليس النقد أو إبداء الرأي علاقة بالخجل ...أقصد أنكٍ حين تبدين رأيك في عمل ما فأنت لا تنتقدين صاحبه ..بل فقط تقولين رأيك بؤيتك وو جهة نظرك لصاحبه ...لأنه مثلك - عادة- سيحب أن يسمه رأيك ليعرف أخطاءه و يحسن من نفسه ...فما رأيك ؟؟


و أنا التي أشكرك ... على صراحتك و نشاطك و مشاركتك الفعالة ....بارك الله فيك و جزاكِ خيرا

تمنياتي بأمتع و أفيد وقت ليكي و للجميع في أكاديميتنا الحبيبة

[Ghadat2009]

1 - ليه بترد على مواضيع غيرك ؟؟

اللي بيلمس إحساسي أو ينعشلي دماغي أو يشد انتباهي بحس إن صاحبه يستحق الرد والتعليق. ويمكن تعليقي يساعده او يشجعه إنه يكمل أحسن،وكمان لإني ببقى حاسة قد ايه هو بيبقى محتاج الكلام ده وبيخليه ميبعدش عن قلمه...مين عارف يمكن يخرج منا واحد يكون كاتب مشهور ونكون ساعدناه ولو بكلمة.

بس يا رحاب الرد مش بس للتشجيع -وإن كان ده شيء رائع و روح طيبة في حد ذاته - لكن ممكن يكون فيه انسان بيكتب بس محتاج توجيه او لفت نظره لأخطاؤه عشان يحسن من نفسه ..و لاّ إيه رأيك ؟؟

2- طيب ..بكل صراحة ...ليه بترد على مواضيع و تسيب مواضيع تانية ؟

الأولوية غالباً تكون بسبب العنوان هو السبب المبدئي ف حاجة زي كدة ..وساعات ضيق الوقت من الشغل مبتساعدنيش على اني افتح كل المواضيع..وساعات بيكون الكاتب برده من أسباب لفت الإنتباه والإهتمام وإهدائه لشوية أولوية..حد مثلاً قرأتله وعرفت إن أسلوبه ودماغه بيعجبوني فبكون عايزة أتابع جديده..لكن لما بتبقى فيه فرصة بفتح مواضيع معظم الناس.

على فكرة يا رحاب العنوان ساعات بيظلم المضمون ..يعني صاحب العمل بيكون اختار عنوان مش بيشجع على القراية ..و لما تبدئي تقريه تتفاجئي بمستواه الجميل !

و بالنسبة لمشكلة الوقت ...كان فيه اقتراح قدمته بخصوص ضيق الوقت للتعليق عالموضوعات و يهمني أسمع رأيك العميق فيه :



الاقتراح بالتفصيل

تفتكر لو موضوع أو أسلوب عرض مش عاجبك ..إيه الأحسن : تسييبه من غير رد منك ..و لاّّ نحاول بأسلوبك تلفت نظر الكاتب لبعض الجوانب السلبية في موضوعه ..بدون اساءة أو تجريح ؟

هي دي غلطة أنا وقعت فيها فعلا ومعترفة بيها ..فعلاً الموضوع اللي كان مش بيعجبني قوي أو بحس إنه عادي كنت بسيبه من غير رد...بس سؤالك لمحت فيه تأنيب عندك حق فيه...فالمنتدى مش مجمع مجاملات ..عندك حق.

باحيــييكِ جدا على ذكائك و سرعة بديهتك ..و عمقك في قراية السؤال ..و باتمنى فعلا تردي من وقت للتاني على المواضيع الللي ليكِ عليها ملاحظات أو تعديلات و ربنا يجعلها في ميزان حسناتك إن شاء الله

لما تعرض موضوع ... تحب كل الأعضاء يردوا عليه ؟ ليه؟

طبعاً جداً أكيد ...احنا جمهور بعض ونقاد بعض وبيهمني قوي النقد البناء اللي فيه تحليل وبلمح فيه اهتمام حقيقي.
وببقى مستنياه جداً.

وأخيراً بحييكي جداً يا غادة ومش جديد عليكي العملية دي ،وقدرتك على إجبارنا على المراجعة والتفكير من جديد....برافو يا غادة .. متهيألي تستحقي لقب "ضمير المنتدى"

إجابتك طبعا رائعة ..و هي المطلوب إثباته !


و تعليقك الأخير أكثر من رائع و مشجع بدرجة تفوق الوصف ...بارك الله فيكِ

[ريم]

أولا أحب أشكرك على موضوعك الهام والحلو جدا وسأحاول الرد باختصار على أسئلتك الذكية دي نظرا لضيق الوقت[quote="Ghadat2009"]1 - ليه بترد على مواضيع غيرك ؟؟

لأسعاد الآخرين..ونفسي كل المعلومات اللي أعرفها أقولها للجميع ..لأني أشعر بالسعادة عندما أجد عدة ردود سواء بالنقد مما يجعلني أنتبه فأحسن من كتاباتي لاحقا أو بالاستحسان فأشعر بالفرح لذلك وكمان عشان ده واجب علينا فعلا ..بس واجب ممتع نعمله بحب ..بما إننا أسرة واحدة يبقى المفروض كل واحد يكون حريص على الآخر ..وبعيدا عن المجاملات لأن حتى لو كان زميل أو زميلة جديدة يجب أن يجدوا حفاوة الاستقبال ..والتشجيع للمواصلة..
لأن معنى إنني أرد على الموضوع أي أنني أعطيت اهتمام.حتى لو كان الموضوع به نقد كثير .. أو أخطاء أشير إليها دون تصريح أو تجريح .وقد يكون ردي يعطي التشجيع لمن أمامي

و لا عشان زي ما بترد على مواضيعهم ...هم كمان يهتموا بالرد على مواضيعك ؟
لا... برد على أي أحد سواء رد علي في مواضيعي أم لم يرد في حدود وقتي


2 - طيب ..بكل صراحة ...ليه بترد على مواضيع و تسيب مواضيع تانية ؟
إن كان عليا نفسي أرد على كل المواضيع بجد لأني بحب الأكادمية ...بس اليوم كله هيتبخر لو ده حصل ..مشكلة ضيق الوقتالشدييييد

تفتكر لو موضوع أو أسلوب عرض مش عاجبك ..إيه الأحسن : تسييبه من غير رد منك ..و لاّّ نحاول بأسلوبك تلفت نظر الكاتب لبعض الجوانب السلبية في موضوعه ..بدون اساءة أو تجريح ؟
الحقيقة إن الأفضل الرد بنقد راقي دون تجريح وإذا كان الموضوع فيه نصيحة أفضل أن تكون في رسالة خاصة لأن النصيحة على الملأ فضيحة..
3 - لما تعرض موضوع ... تحب كل الأعضاء يردوا عليه ؟ ليه؟[/quote]
طبعا نفسي جدا وبازعل وأحبط جدا لما بيمر الموضوع مرور الكرام ...أتمنى مشاركة الجميع لأعرف مختلف الآراء التي تفيدني في تحسين كتاباتي مستقبلا ..وحقيقي شعور المشاركة جميل..وطبعا كل احد فينا هو كاتب وقارئ وناقد ...ثم أنا أساسا ما عنديش مواضيع كثيرة !!..
أشكرك كثيرا يا غادة موضوعك فوق الممتاز أحييك عليه

[donnabella]

المشكلة إن كل اللي أنا قولته مرتبط ببعض
مع ضيق الوقت و صعوبة الكتابة ببقى لازم أختارفبعلق على اللي عاجبني واللي فعلا عايزة أوجه نقد لجزء منه كرأي ربما يفيد صاحب الموضوع

و كمان اللي مبيعجبنيش مش بيكون غالبا في اللغة أو الصياغة و مببقاش عارفة إيه اللي ممكن أوجهله النقد بالضبط..و عندي إعتقاد حقيقي "لولا إختلاف الأذواق لبارت السلع"..والذي لا أجد صداه في نفسي فبالتأكيد سيجد صداه لدى الآخرين

عموما هذه الأكاديمية قد أحببتها و أحببت كل أعضائها و بالفعل أتمنى للجميع التوفيق

[الأمير الحائر]

طبعا سؤال ..أو تساؤل غريب .. بس ليه صحيح؟

هو فعلا سؤال غريب لكن تلقائى كمان..ليه بنرد على مواضيع غيرنا...؟ أنا شخصيا بحس إن العمل الأدبى دايما بيبقى أجمل بقرائته..يعنى زى الكتاب..ماينفعش يتعمل عشان صاحبه..لازم ينشر ويتقرى والناس تقول رأيها فيه..وبالتالى أنا بفترض بما أننا فى مجتمع أدبى فكأننا فى صفحات كتاب كبير..وكل حد كاتب عمل فى الكتاب ده..لما هأقراه أنا ممكن أستفيد من أسلوبه أو لغته أو إحساسه..ولما أرد عليه هأفيده برأيى عن أى نقطة شايفها مش واضحة أو نقد للعمل..أو حتى ثناء مع إيضاح نقاط تميز العمل اللى ممكن كاتبه نفسه مش انتبه ليها وهو بيكتب العمل..وعلى حسب ذكاء الكاتب ده هيستفاد من كل الأراء على عمله أو موضوعه..لو نقاط قوة يركز عليها..لو عيب يقلل منه.. حتى لو نقد وحتى لو سلبى يقدر بذكاء يحوله لإيجابيه زى ما قلت قبل كده...يعنى الردود غير إنها أولا وأخيرا متعة قراءة وحب لها...هى أيضا إفادة وإستفادة..عطاء وأخذ لقيمة غير مادية لكنها قيمة معنوية كبيرة لمن يفهمها و يقدرها...

هل بتحس إنه واجب لازم تعمله؟ و لا فرصة لمجاملة أصدقاءك و اكتساب محبتهم ؟
لأ طبعا مش واجب زى ما وضحت فوق..حب فى القراءة..فالكاتب مرحلته الطبيعية إنه قارئ وبعد كده كاتب..ومش لازم أبدا ينفصل عن القراءة لغيره عشان بقى بيكتب..
لأ طبعا مش مجاملة..بدليل إنى شخصيا بأنقد العمل كعمل بغض النظر عن كاتبه جديد أو قديم..أعرفة أو ما أعرفوش..وفى مرات عديدة نقدت أعمال لأعضاء قريبين ليا جدا فى الأكاديمية..و الحمد لله انهم دايما كانوا بيفهموا نقدى صح انه حب ورغبة فى الإفادة وعدم النفاق.. ونقد للعمل مش لشخص كاتبه أبدا...


و لا عشان زي ما بترد على مواضيعهم ...هم كمان يهتموا بالرد على مواضيعك ؟

إطلاقا..أنا مش بربط ده بده أبدا..لكن الغريب فى الموضوع إنى ممكن أضايق لو حد بيرد على أعمالى أنا بس ومش بيرد على حد تانى مثلا! وكمان يعنى مش بحب زى ماوضحت مرارا النوعية الأنانية اللى بتبقى عندها وقت كافى وما بتقراش أعمال غيرها أو مابتعلقش عليها وبتكتب أعمالها بس وبتنتظر رأى الناس على أعمالها وخلاص..أنا شخصيا واحد من الناس يمكن لو حد لاحظ بفضل لما بكون مشغول زى الفترة دى مش أكتب أعمال فى الأكاديمية رغم سهولة ذلك..بسبب إنى مش لاقى الوقت الكافى أبدا الفترة دى إنى أعلق على أعمال حد تانى إلا القليل..وبالتالى ما أحبش إنى أحس إنى حد أنانى..لأنى حتى أخر قصة كتبتها فى الأكاديمية من مدة كانت قصة ( بريق ) لحد دلوقتى لسه ما لحقتش أكمل ردى وتقديرى لتعليقات اللى علقوا عليها! لأنى بحاول لما بدخل فى أخر الأسبوع لبضع ساعات أنى أتابع اللى أقدر عليه من المواضيع وأرد عليها رد لائق سواءا بنقد أو بتحية دون مجاملة أو نفاق.

و لا هواية عندك : أقصد التحليل أو النقد ؟

لست ناقدا..لكن استفدت من أديبة كبيرة ورائعة..بحضور ورشة قصة قصيرة فى مؤسستها الأدبية..تعرفت فيها على الكثير من أسرار الكتابة أفادتنى جدا جدا...ولهذا أحاول قدر الإستطاعة أن أنقل أى فكرة أو معلومة بخصوص نقد فنى أو نقطة ما فى العمل, لكن ليس النقد هواية شخصية لى على الإطلاق..فقط ما أعرفه لا أكتمه وأشارك به زملائى فى الأكاديمية دائما.

و لا بترد فعلا بحب و رغبة في اسعاد الآخرين ؟ أو إفادتهم بمعلوماتك ؟
أعتقد الجزء اللى فات جاوب على السؤال ده بالظبط

2 - طيب ..بكل صراحة ...ليه بترد على مواضيع و تسيب مواضيع تانية ؟

مع إن السؤال ده هو اللى عمل الأزمة كلها..لكن أعتقد أن هذا السؤال بالنسبة لى غير وارد لأنى ما دمت متواجدا فى الأكاديمية كل الأعمال عندى سواء..كنت كذلك فى الفترة الماضية قبل دخول موجة الإمتحانات فجأة بسبب قصر مدة الفصل الدراسى الثانى..و سأعود للتعليق على كل الأعمال بلا استثناء كما كنت.. بعد الإمتحانات إن شاء الله...لكن...
لكن أريد أن أضيف شيئا هاما..بفرض أنى متفرغ حاليا وموجود بشكل دائم فى الأكاديمية..واشترك عضو جديد..عمل..تلاه عمل..تلاه أخر..وأخر وأخر..! سأرد على موضوعه الأول..والثانى..والثالث..وبعدين...؟ مالوش أى ردود خالص على أى موضوع فى الأكاديمية ( مش مواضيعى أنا الشخصية ) رغم أنه - وأرجوا ملاحظة هذه النقطة - متواجد فى الأكاديمية بشكل دائم والوقت متوافر له والحمد لله...إذن المشكلة ليست فى الوقت..لكن الواضح أن هذا العضو لا يعرف معنى كلمة ( موقع أدبى )! وبالتالى..سأجد نفسى بعد ذلك تلقائيا أترك التعليق على أعماله إطلاقا..حدث هذا قبلا مع عضو كان متواجد معنا..ونبهناه بشكل مهذب لكنه غضب وترك الموقع كله من الأساس! إذن فهناك أيضا عوامل أخرى غير مجرد جودة العمل تتحكم فى الردود..وأعتقد أن هذه العوامل منطقية جدا...
فيما عدا ذلك...فأسعد بالتعليق على أى عمل سواءا أعجبنى أو لم يعجبنى...وأعتقد أن الفقرة السابقة أجابت عن تساؤلات كثيرة بخصوص إقتراح الردود

3 - لما تعرض موضوع ... تحب كل الأعضاء يردوا عليه ؟ ليه؟

بالتأكيد..ما دمت متواجد فى الأكاديمية دائما..و لا أقوم بإغراق قسم ما بخمسة أو عشرة أعمال فى يوم واحد! فعندما أعرض عمل أسعد بردود الأعضاء عليه لمعرفة أرائهم..سواء بالنقد أو بالتحليل أو التحية..وأستفيد من كل رأى مهما كان بسيطا...

انتهت الأسألة.. بالنظر الأن لردى على الموضوع هنا..كم هو طويل..وبالطبع إحتاج لوقت طويل لكتابته..لكن مادام ذلك الموضوع جيد ومعروض بشكل مشجع على الإجابة فبالتأكيد يسعد أى شخص بالرد عليه مهما أخذ وقتا فى الرد دون أن يشعر..وهذه نقطة أخرى!
تحية ياغادة على مناقشاتك المتميزة دائما و المشجعة على المناقشة و الرد بكل صدق..وكما رأيت فى وصف أحد الزملاء لكى ( ضمير الأكاديمية )

[mona]

_ بالعكس ياغادة سؤال جميل ...اولاً اكيد مش واجب ...لأن اي واحد فينا مش ملتزم بعقد او ميثاق انه لازم يرد ..انما بنرد لاننا حابين العمل ده بكل ما فيه.

...مارتبتهاش يوم وفكرت انا بعمل كده ليه ؟؟...انما لو فكرت فعلا هاقولك ان انا حد من الناس بحب الكتابة وبحب اكتر القراية واحب جداااااااااااا الناس اللي ليها وجهة نظر ....واى شخص بيمسك قلم ويكتب دا معناه انه شخص ليه وجهة نظر ...فاحب انى اقرب من الناس دى اتبادل المعرفة والاراء ..اعرف حد غيري بيفكر ازاي ...
وطبعا كل واحد هنا في الاكاديمية بيكتب معناها انه ليه وجهة نظر ودى في حد ذاتها حاجة تخليني ارد علي كتابات اصدقائى واخواتى بعيدا عن انه مجاملة لانى فعلا لا تربطنى بأحد أى مصلحة لأجامله ....ورأيي ان الانسان كلمة زى المراة بتعكس صورتك ...انا عرفت مثلا غادة من كتابتها وهكذا غيرك وغيرك ....


....انا عارفة انى من الناس المقصرين فعلا بس ربنا يعلم انها بتكون ظروف دراسية او اجتماعية هي اللي بتخليني اتأخر عن الرد ...وكمان ساعات من كثرة المواضيع بتوه ومش بعرف ارد علي ايه ولا اكتب ايه ...وساعات كمان بيكون الوقت ضيق يا اكتب حاجة جديدة واحطها يا ارد وبحاول ساعات الضيق اعمل الاتنين مع بعض...


وعمري ما فكرت انى ارد علي حد عشان يرد علي مواضيعي ...انا بكتب لانى احب الكتابة واستمتع وانا افعل ذلك ...وارد علي كتابات الاخرين ..لاننى احب اقرأ... احب الاعمال المميزة احب النقد المحترم ذو الفائدة ...احب ان اعبر عن وجهة نظرى عن الاشياء ...يمكن لأن في ناس كتير من اصحابي كانوا بيقولولي انى بشوف الاشياء من زاوية مختلفة شوية ...يمكن حسيت ان دى ممكن تكون اضافة لغيري....
وكمان بصراحة العمل المميز لازم ياخد حقه وصاحبه يعرف انه عمل شئ جميل اسعد الاخرين فعشان كده كمان برد عشان بحس ان دا حق الشخص ده...
وبالنسبة لبعض المواضيع اللي ممكن ما اردش عليها_ ولو ان دا مش بايدي في كتير من الاحيان _ إنما السبب الوحيد اللي بيدى واقدر اقوله انى في انواع من الكتابات انا ما بفهمش فيها او مش بقراها كتير عشان كده مش بعرف اقيم العمل بشكل كويس ..وساعات مش بفهمه ...فبحس ان فعلا " أسألو اهل الذكر "...اقصد طبعا الشخص اللي ممكن يكون بيفهم في المجال ده او بيقراه ويحبه ...وعلي الرغم من ذلك باحاول مع الوقت انى اقرا في كل الانواع من الكتابات عشان بحب اكون ملمة بكثير من الكتابات ...


واكيد اى حد بيحب لما يكتب موضوع ان كل الناس مش الاعضاء بس يقراه ...اولا بالنسبة ليا لانى بحس انى عايزة اوصل حاجة معينة او فكرة او كلمة او احساس لكل انسان يقراها وكمان عشان اعرف رأيه واستفيد بيه مهما كان ثقافته او ادراكه او معلوماته لاننا عايشين وسط كل انواع الناس واحب كلامى يكون بسيط ومفيد يوصل لكل الناس....
والموضوع كده كبر منى اوووووووووى وهاكتب فيه مقالات وهتندمى كده يا غادة انك عملتيه ...بس موضوع تحفة ربنا يبارك فيكى.

[Ghadat2009]

أولا أحب أشكرك على موضوعك الهام والحلو جداgreat1 وسأحاول الرد باختصار على أسئلتك الذكية دي نظرا لضيق الوقتso1ok11

إزيك يا ريم ؟ إن شاء الله ترجعيلنا بالسلامة و تنورينا دايما بأسلوبك الجميل ...معلش الرد متأخر جدا ...بس برضه ...لضيق الوقت !


[

- ليه بترد على مواضيع غيرك ؟؟

لأسعاد الآخرين..ونفسي كل المعلومات اللي أعرفها أقولها للجميع ..لأني أشعر بالسعادة عندما أجد عدة ردود سواء بالنقد مما يجعلني أنتبه فأحسن من كتاباتي لاحقا أو بالاستحسان فأشعر بالفرح لذلك وكمان عشان ده واجب علينا فعلا ..بس واجب ممتع نعمله بحب ..بما إننا أسرة واحدة يبقى المفروض كل واحد يكون حريص على الآخر ..وبعيدا عن المجاملات لأن حتى لو كان زميل أو زميلة جديدة يجب أن يجدوا حفاوة الاستقبال ..والتشجيع للمواصلة..

لأن معنى إنني أرد على الموضوع أي أنني أعطيت اهتمام.حتى لو كان الموضوع به نقد كثير .. أو أخطاء أشير إليها دون تصريح أو تجريح .وقد يكون ردي يعطي التشجيع لمن أمامي

و لا عشان زي ما بترد على مواضيعهم ...هم كمان يهتموا بالرد على مواضيعك ؟
لا... برد على أي أحد سواء رد علي في مواضيعي أم لم يرد في حدود وقتي

إجابة رائعة صدقا أهداف مييزة جدا للرد على مواضيع الغير ..و ميل مطلوب للموضوعية و بأن يكون الرد على المواضيع لا على كتابها ...و بشكل لا يضايق أو يحبط أبدا

2 - طيب ..بكل صراحة ...ليه بترد على مواضيع و تسيب مواضيع تانية ؟
إن كان عليا نفسي أرد على كل المواضيع بجد لأني بحب الأكادمية ...بس اليوم كله هيتبخر لو ده حصل ..مشكلة ضيق الوقتالشدييييد

تفتكر لو موضوع أو أسلوب عرض مش عاجبك ..إيه الأحسن : تسييبه من غير رد منك ..و لاّّ نحاول بأسلوبك تلفت نظر الكاتب لبعض الجوانب السلبية في موضوعه ..بدون اساءة أو تجريح ؟
الحقيقة إن الأفضل الرد بنقد راقي دون تجريح وإذا كان الموضوع فيه نصيحة أفضل أن تكون في رسالة خاصة لأن النصيحة على الملأ فضيحة..

- فعلا ...عامل الوقت مشكلة سواء اعترفنا بيها أو لا ... بس أعتقد بشيء من التنظيم ..ممكن كل يوم نرد على مواضيع متنوعة في حدود وقت احنا نحدده بنفسنا ...علشان لا يحدث انقطاع كامل عن المكان مع الوقت !

- النقد الراقي البناء بأسلوب موضوعي ..أعتقد مطلوب جدا لأننا كلنا في حاجة إلى سماع الآراء لتتطور كتاباتنا إن شاء الله ... و لو كان الكاتب لا يتقبل ممكن ارسال رسالة خاصة ... لكنني أفضل التعليق أو الملاحظة التي تظهر للجميع حتى تعم الاستفادة ...و أتمنى أن لا تكون هناك حساسية أو رفض للرأي الآخر : سواء كان دارسا أو قاريء عادي ...أعتقد الاثنان يجب الاهتمام بآرائهما

3 - لما تعرض موضوع ... تحب كل الأعضاء يردوا عليه ؟ ليه؟
طبعا نفسي جدا وبازعل وأحبط جدا لما بيمر الموضوع مرور الكرام ...أتمنى مشاركة الجميع لأعرف مختلف الآراء التي تفيدني في تحسين كتاباتي مستقبلا ..وحقيقي شعور المشاركة جميل..وطبعا كل احد فينا هو كاتب وقارئ وناقد ...ثم أنا أساسا ما عنديش مواضيع كثيرة !!..
أشكرك كثيرا يا غادة موضوعك فوق الممتاز أحييك عليهhappy11

أكيد كل اللي بيكتب بيحب الباقي يردوا بأي شكل ... و رائع انك بنحاولي تعرفي الآراء المختلفة لأنها بتفيدك إن شاء الله

و ممتاز كلامك عن المشاركة أو روح المشاركة الجميلة ..

و الواضيع مش بالكم .. و مع القراءة أكثر و الاستماع للردود بذكاء ...أكيد هتكتبي أكتر و أكتر إن شاء الله ...

و بشكرك على قراءتك و إجابتك على الأسئلة بصدق و اهتمام

[Ghadat2009]

المشكلة إن كل اللي أنا قولته مرتبط ببعضino1
مع ضيق الوقت و صعوبة الكتابة ببقى لازم أختارlost1فبعلق على اللي عاجبني واللي فعلا عايزة أوجه نقد لجزء منه كرأي ربما يفيد صاحب الموضوع

و كمان اللي مبيعجبنيش مش بيكون غالبا في اللغة أو الصياغة و مببقاش عارفة إيه اللي ممكن أوجهله النقد بالضبطthi1..و عندي إعتقاد حقيقي "لولا إختلاف الأذواق لبارت السلع"..والذي لا أجد صداه في نفسي فبالتأكيد سيجد صداه لدى الآخرينم11

عموما هذه الأكاديمية قد أحببتها و أحببت كل أعضائها و بالفعل أتمنى للجميع التوفيقflower1

د هي ّ وجهة نظر مقنعة إلى حد كبير ... يعني بالنسبة لضيق الوقت المتاح للرد ... يبقى أكيد في اضطرار للاختيار ...
لكن تعرفي : اللي بينشر نص كتبه ..أعتقد بيبقى عايز يسمع رأي فيه ... و لو مثلا حد نشر نص سلبياته كتير و مالاقاش أي تعليق لأنه لم يلق قبول عند أي قاريء فيمكن ده يكون شيء محبط جدا ... طيب ايه الحل ؟

أعتقد ممكن يكون فيه مرور سريع أو مختصر ..لبق و ذكي ...زي ما قريت ليكي يا نورا أكتر من تعليق بالطريقة دي ...

لكن ... طبعا المشكلة الأساسية اللي هي الوقت ...ساعات بيكون لها دور مؤثر جدا

و إن كان أساس فتح باب المناقشة هنا ...هو اني لاحظت ان فيه أعضاء بيتواجدوا لفترات طوييييلة جدا ..دون أي رد على أي موضوع ! و هنا يبقى المشكلة مش في الوقت !

بشكرك جدا على التجاوب الصادق الجميل .... و طبعا انا متأخرة جدا في الرد معلش ( الوقت برضه س11 ) و انت حاليا عضوة متميزة جدا و ليها نكهتها الخاصة الجميلة ..بتمنى ليكي كل توفيق