صفحة 1 من 1
قصيده بعنوان(أه منها)
مرسل: 19 نوفمبر 2008, 1:37 am
بواسطة مسعدعبدالمعزأحمد
كتيرقالوا كلام عنى
وليه الورد غار منى
ماأنا الأسمر
سمارى بلون ضيا شمسى
بأهز كتافى متعافى
دراعينى
مجدافين حاضنين
فى موج النيل وشطينه
وبنت بقويا عالقوره
تهز النسمه ضفايرها
تطير عقل عشاقها
بعودها وخسرها اللين
ولما تميل
يميل القلب وياها
أنا يامصر مش عاشق
أنا دايب فى عشقك دوب
منيش تايب
ولاعنك هكون غايب
هشيلك جوه ننى العين
وجوه القلب سكنانى
ولوحتى أموت فى هواكى أيه يعنى
ولو حتى يأدى هواكى لجنانى
أنا راضى
أكون مجنون ومين ليلى
يشاور قلبى أهى هيه
تراب خطوتها حنيه
وضحكتها برنه جميله ملاليه
وتسبيلة رموش عينها
بتجرحنى
وبتداوى
وأه منها
وأه يانى
********
مع تحياتى
Re: قصيده بعنوان(أه منها)
مرسل: 19 نوفمبر 2008, 4:11 am
بواسطة تنهيدة
واللهى من عارفة اقول أية لو فى كلمة أكتر من رائع كنت قلتها بصراحة معانى وتعبيرات تهز القلب ولو كل المصرين يحبوا مصر زى حضرتك لكانت مصر دة اصبحت اعظم بلاد الدنيا بحب ولادها لك منى كل التقدير والاحترام
مرسل: 19 نوفمبر 2008, 10:44 pm
بواسطة محمد محمود
لو كل مصري يكون بيحب مصر كده حنكون أحسن شعب لأحسن بلد . حقيقي إحساس جميل و أسلوب رائع وصور بلاغية غاية في الجمال
Re: قصيده بعنوان(أه منها)
مرسل: 05 أغسطس 2009, 6:14 pm
بواسطة rawan432
أنا يامصر مش عاشق
أنا دايب فى عشقك دوب
منيش تايب
ولاعنك هكون غايب
هشيلك جوه ننى العين
وجوه القلب سكنانى
ولوحتى أموت فى هواكى أيه يعنى
ولو حتى يأدى هواكى لجنانى
أنا راضى
أكون مجنون ومين ليلى
يشاور قلبى أهى هيه
تراب خطوتها حنيه
وضحكتها برنه جميله ملاليه
وتسبيلة رموش عينها
بتجرحنى
وبتداوى
وأه منها
وأه يانى
********
قوم يا مصرى هاتلى نصرى مصر دايما بتناديك
ابدعت يا أخىflower1