صفحة 1 من 3
قل لي ماذا ترسم وأنت سارح، أقل لك ما هي شخصيتك؟
مرسل: 03 مايو 2009, 9:06 pm
بواسطة هبة الله محمد
اختبار نفسي
ترى ماذا ترسم على جوانب الصفحة عندما تكون شارد الذهن ؟
احيانا عندما تمل من حصة او محاضرة معينة ، او عندما تكون شارد الذهن
ترسم خرابيش تظن ان لا معنى لها ولكن نحن نقول لك انه لها معنى وتفسير اختر واحدة من الرسوم التالية:
(../الوجوه-أشخاص بلا وجوه-../الثعابين- المكعبات-الزهور- الأسهم-النجوم- العيون-القلوب-الدوائر-الزخارف-الدوامات-البيوت)..
Re: قل لي ماذا ترسم وأنت سارح، أقل لك ما هي شخصيتك؟
مرسل: 03 مايو 2009, 10:07 pm
بواسطة الزهراء
مساء الخير يا هبة
ح نشتغل على النفسيات و لا إيه
؟ أنا ح جاوب بس خايفة أصلك قلتي
و نحن نقول لك ، إنت جايبة معاكِ فريق من الأطباء النفسيين
الموضوع كدة مش مطمئن و شكلنا ح نتفضح و الحمد لله .
بصي بقى و أنا في مراهقتي كنت برسم عين و بارسمها بطريقة حلوة و أجملها و تطلع حلوة بس عمري ما عرفت ليه
ساعات كمان بحب أرسم قلب ساعات بيزبط معايا و باقي الأوقات ...عينك ما تشوف إلا النور
و لما بتقلي بنت أخويا الصغيرة ارسميلي يا إما بارسملها عين أو بيت و شمس و عصافير
بس الصراحة معظم الوقت بارسم عيون ..لو حاجة وحشة قوليلي بيني و بينك و لا أقلك اجي العيادة أحسن
سلام و مشكورة جدا على الموضوع الحلو دة و ما تتأخريش بالنتيجة
ربنا يستر
Re: قل لي ماذا ترسم وأنت سارح، أقل لك ما هي شخصيتك؟
مرسل: 03 مايو 2009, 10:54 pm
بواسطة Ghadat2009
يا سلام ....هي دي المواضيع الجامدة
بس اللي بنعمله في الناس هيطلع علينا و لاّ إيييه ؟؟؟
عموما ..د. هــبة ...باين عليها طيبة ...و مش هتطلع فينا كوارث كتير
أنا كنت برسم حاجات كتر لأني بحب الرسم و كنت شاطرة فيه ..
بس في المحاضرات ...كنت دايما أرسم وجوه ...ممكن وجه الدكتور اللي بيحاضر ...و جه زميلة ..وجه مر عليّ و أنا في الطريق ..وجه شخصية كرتونية ( وجوه عجيبة مضحكة)..... الخ
و معظم الوقت كنت بارسم عيون عربية جميلة ..بس غالبا حزينة أو فيها دمعة بتنزل ...صور العيون دي كانت تقريبا في كل مكان : حتى على هوامش الجرايد ...دي كانت حاجة صعبة بجد
و أحيانا لما كانت المحاضرة تبقى يعني في منتهى الملل ...كنت بارسم لوحة كاملة ...فيها بيت رائع على النمط الأمريكي ( سقفه مائل )حواليه جنينة فيها ورد و شجر ...
إيه رأيك ؟ فيه أمل ...و لاّ.....
في انتظار نتيجة الجلسة ...طمنيني ...
Re: قل لي ماذا ترسم وأنت سارح، أقل لك ما هي شخصيتك؟
مرسل: 03 مايو 2009, 11:48 pm
بواسطة نورانة
طيب نقول واحدة صاحبتا
كانت بتحب ترسم فساتين
يا رب متكونش الحالة متاخرة
موضوع لذيذ
Re: قل لي ماذا ترسم وأنت سارح، أقل لك ما هي شخصيتك؟
مرسل: 04 مايو 2009, 5:32 am
بواسطة تنهيدة
بتغيبى ياهبة وترجعى بمواضيع جميلة .انا عن نفسى بموت فى التحليلات النفسية وخصوصا لما تكون مع محلله شطره زيك
أنا بئة لما أسرح وأرسم ببتكر حاجات غريبة ...بفضل ارسم فراشات عجيبة ...أو شمس بتضحك متقوليش بئه بتضحك
ازاى انا وانا صغيرة كنت برسم شمس وليها عنين وبتضحك ولحد دلوقت برسمها
وحكايات القلوب دى بئة حكاية لوحدها طول الوقت وانا بكتب أى حاجة أفضل ارسم قلوب ...وساعات كدا بتجنن وأرسمها على أيدى بالألوان
أنا عارفة ان حالتى صعبة لكن أنا واثقة فى الدكتورة النفسية الا بتعالجنى
...بس أرجوكى يادكتورة قوليلى على الحقيقة ومتخبيش عليه حاجة
Re: قل لي ماذا ترسم وأنت سارح، أقل لك ما هي شخصيتك؟
مرسل: 04 مايو 2009, 5:02 pm
بواسطة ريم
حقيقي فكرة جميلة
بس المشكلة والله أعلم هيحصل إيه آخر الجلسة وما تكونش الحالة متأخرة خالص ...
أنا عندي الرسم بيكون حسب الحالة النفسية
يعني أحيانا أرسم عيون إما دامعة أو في وقت آخر عين مرحة وبها حول..أو فاكهة لها وجه وعيون بها حول!_وجوه ضاحكة
_دوائر أحيانا_دوامات عند الاكتئاب_زهور كثيرة أو باقة زهور أو زهرة واحدة (ودي لسة راسماها الصبح!!)
طمنيني يا دكتورة ..
الحالة متأخرة.
. ولا برضه ما فيش أمل
Re: قل لي ماذا ترسم وأنت سارح، أقل لك ما هي شخصيتك؟
مرسل: 04 مايو 2009, 10:31 pm
بواسطة المهاجر
اولا رائع موضوعك هو
ثانيا انا احيانا ارسم زهرة وفى كثير من الاحيان لا تعيش اكثر من دقيقة لانى بكون قطعت الورقة وما فكرتش ارسم عيون دامعة غير مرة واحدة بس ولكن فى اغلب الاحيان برسم قلب خارج منه سهم