انا يطلعلى اسد

[fromayka]

كلنا روحنا وشوفنا الاسد
كلنا اترعشنا من الخوف لما سمعنا صوته لاول مرة
كلنا اتفرجنا على الافلام اللى قفص الاسد اتفتح فيها والناس بتجرى وتصوت
سيبك من الكلام دا كله وخلينا ف حاجه ابسط من كده
ياترى تعمل ايه لو داخل اوضه نومك تنام ولقيت الاسد الضخم دا ف الضلمه قاعد على السرير مستنيك
ياترى هتعمل ايه
جسمك ارتعش وانت بتتخيلها
امال لو حصلت بجد

[هبة الله محمد]

يااااااه وان صغيرة كنت هأموت واتصور مع الأسد في السيرك هو كان هادي خالص واولاد كثير اتصوروا معاه بس ماما خافت لأخلاقه تتغير فجأة وبعيدن ياكلني..

بس طبعا موضوع الواحد يلاقيه في أوضته دي حاجة ثانية.. و11

انا هأطلع وااقفل الباب ورايا..

أو التصرف الأكثر واقعية إن أنا هاتجمد مكاني وأسيبه هو يتصرف بقى براحته.. س11

[سندريلا]

ههههههههه ده مش حلم مجنون ده حلم مرعب ... بس فعلا زي هبة ما قالت الاحتمال الاكثر واقعية اننا حنقف مكاننا مش تعمل حاجة يعني حتى ممكن مش اعرف اصرخ أنا جبانة جدا بخاف من خيالي
بس ممكن مثلا أطلع أجري و أقفل عليه باب الشقة و أصرخ ساعتها براحتي لكن يا رب ألحق أجري ...
بس ما قلتيش لنا يا فرومايكا إنتي حيكون رد فعلك إيه ؟

[fromayka]

هبه انتى خايفه من اسد دا اسد
اظن ان ماما زمان خافت من الاسد لاحسن ياكلك اظن النهردة لو شفته على سريرك كل تفكيرها هيبقى ياترى وسخ الملايه؟
وحكايه ان انتى هتسيبيه يتصرف براحته دى يبقى معناها انك هتوحشيا اوى بعديها
انا افتكرتك هتقوللى اجرى بسرعه واجيب الكاميرا علشان تحققى امنيتك وتتصورى معاه
هههههههههه

[fromayka]

جيجى تخاف من خيالها لا امشى على طول ف الضل عشان ميطلعلكيش خيال
ف مرة كنا قاعدين انا وماما واخواتى البنات ف الصالون وكنا نسينا البوابه مفتوحه واحنا ف الصيف دايما نسيب باب الشقه مفتوح وببص فجاة ف الصاله لقيت كلب طولى كده واقف طبعا نطينا كلنا ف البلكونه وقفلناها علينا 3 ساعات كاملين لحد مشفنا الاستاذ طلع ف الشارع ومدخلناش الا لمابابا جه ودور ف الشقه كلها ان مفيش كلاب تانيه
تقومى تقولليلى اعمل ايه لو لقيت اسد على سريرى
هقولله طبعا استاخر شويه عشان اعرف انام
صح؟

[ماضى سعدون عبدالعال]

ههههه
فكره حلوه والله احيكى اختى عليها
بصراحه ومن غير فشر طبعا انا لو طلعلى اسد ولئيته فى الغرفه بتاعتى ممكن يحصل حجات زى
ممكن اجيب ورقه واكتب عليها انا عشر اسوده فى بعض والزقها على وشى مثلا هيشوفها والكثره غلبت الشجاعه فاكيد هيجرى
- ممكن يصعب على فاسيبله الغرفه ينام هوه النهاره ومش الغرفه بس ممكن البلد كلها لو عايز
اهو اهم حاجه انا مش عايز اازيه لان الافتراء مش كويس
اشكرك اختى على موضوعك

[fromayka]

بالنسبه لحكايه الورقه دى ممتازه بس يارب يكون بيعرف يقرا وممكن يطلع من العشر اسود دول حد قرايبه فتصبح فى خبر كان
يارب بس هوة اللى يعمل بالنصيحه ويفهم ان الافترا مش كويس