ساكني الظلام

[نورانة]

هو أنت ليه عامل كده؟؟



مكسور؟؟



ما جوا منا كلنا حجات كتير متكسرة



و حبة سنين متبعترة



جوانا نفس الكركبات



برانا نفس المشكلة



ايه الجديد ؟؟...



فاكر برفضك للحياة



الكون هايرفض الانبساط



والشمس لما تستتر من ضيها



هاتكسف و تمشي تندب حظها




مش فارقة ويا الكون تكون




ولا فارقة ويا الضلمة تسكن حضنها




الضلمة مش بتشوف بتبلع مين




مسكيييييييييييييييييييييييييييين



نقي اكبر حيط و ارزع فيه دمغاك بالقوي




واوعدك ولا الهوا حتى هايسئل انت فين

[محمد محمود]

زميلتي نورانة
عودة بعد غياب بعمل جميل ، كلماته رائعة ونظمه ممتاز
ضمنت موضوعك فكرة جميلة ومعني ذا قيمة عالية
فالحزن على القدر لا يغيره ، وعناد الزمن لا يغير مجراه
أسلوبك مميز في عرض الفكرة واختيار كلمات معبرة عنها
تحياتي لك ولعملك الرائع

[سندريلا]

صباح الخير نورانة
قصيدة جميلة جداً .. عبرتِ فيها عن فكرة هامة بإسلوب ساخر ... فكرة التشاؤم و الحزن .. أحييكِ على كل ما ذكرتِ بها من كلمات .. ناقشتِ الفكرة بشكل ساخر .. أفاد القصيدة .. أيضاً استخدامك للغة العامية كان مفيداً ..
عودة بقصيدة جميلة .. تمنياتي لكِ بدوام الإبداع و ألا تغيبي عنا مرة آخرى ..

[تنهيدة]

ساكنى الظلام عندما قرات العنوان تخيلت اننى سأقرأ قصيدة فصحى و عندما قرات سطور قصيدتك وجدتها
بالعامية المحببة لكل قارىء فتحمل الكلمات السخرية التى تحبب القارىء أكثر فى فكرة القصيدة وتجعله يفهمها أكثر
ساكنى الظلام عبر العنوان عن مضمون القصيدة عن هؤلاء الناس الذى يعيشون حياتهم دائما فى ظلام وكانهما بهذا يعلنون الحرب على الحياة
ولكنها حرب ليس لها قيمة ولا هدف لا تحرك اى سكون ومثلما وصفتى باسلوبك السهل المميز ان الحياة لا تقف عند حزن احد فستشرق شمس
وستعلن ناس اخرى سعادتهم فلماذا نطول الليل على انفسنا ونحن نعلم جيدا ان لا أحد يشعر بهذا الظلام سوانا
أحيكِ نورانة على عملك الجميل وعلى كلماتك التى تدعونا لكى ننظر للحياة نظرة جديدة
أتمنى لك كل التوفيق والنجاح وفى أنتظار أعمالك القادمة

[fromayka]

ايه يابنتى الكلام الجامد دا حلوة اوييييييييييي
بجد عندك لغه خاصه بيكى والبحر اللى انتى كاتبه عليه القصيده خفيف
القصيده ممتعه
وفعلا المشكله ان كل واحد فينا فاكر ان الدنيا هتقف عليه
بس القصيده دى حرام قوى توقفيها فجاه كده دى كان لازم تطول اوى

[lood99]

بجد كلام جميل بيوصل احساس اكيد كلنا حسينا بيه قبل كده بطريقه مختلفه
وانا عن نفسى حسيت بالكلام اوى......تخياتىhappy11