![صورة](http://egyptwrite.com/w/images/smilies/icon_e_smile.gif)
الموضوع ده أولا اعتذار عن تغيبى من الأكاديمية وكمان عن تغيبى عن الكتابة مع إن الفترة اللى فاتت جالى أفكار كتيرة جدا بس ماكنتش أقدر أطول على الجهاز وأقعد أكتبها...وإن شاء الله هأحاول تدريجيا أكتب أفكارى قبل ما أنساها...
الإعتذار التانى والأهم واللى عامل عشانه الموضوع ده من الأساس هو اعتذار للأعضاء اللى أنا رديت وعلقت على أعمالهم فى يوم الخميس 22 يناير...الخميس الأسود بالنسبة ليا...واللى كان أكتر يوم زاد فيه تعب عينيا...لدرجة هأقولكوا على سر يمكن حتى مش قلته لأهلى عشان مش يقلقو عليا يوميها..انى بكل بساطة فى اليوم ده لما كنت بغطى عنيا الشمال ماكنتش بأشوف بعنيا اليمين حاجة خالص غير ضباب أبيض
![صورة](http://egyptwrite.com/w/images/smilies/icon_cool.gif)
![صورة](http://egyptwrite.com/w/images/smilies/icon_mrgreen.gif)
![صورة](http://egyptwrite.com/w/images/smilies/icon_lol.gif)
المهم إنى فى اليوم ده كان كذا حد كاتب أعمال جديدة...أحمد الصياد...ومنة... وهبة الله...و كانو ضحايا انى قريت أعمالهم فى اليوم ده بجد...مش على النقد لأن النقد كان عادى وأنا متعود بأقول رأيى بصراحة فى كل الأعمال زى ما بأتمنى إنى اشوف حد بينقد أى عمل بكتبه...ولكن على الطريقة اللى قولت بيها النقد...أنا متعود دايما بأكتب بأسلوب مرح عشان ماحدش يحس إنى بعدل عليه أو يضايق من نقدى ليه...لكن اليوم ده مع تعب عينيا وأنا بقرى الأعمال فحسيت ردودى كلها كانت باردة ورخمة مش زى ما الكل اتعودوا على ردودى حتى لما كنت بنتقد عمل كنت بأخد الموضوع بهزار وضحك وفى نفس الوقت بأبين نقدى....فبجد بأعتذر لكل اللى رديت عليهم على أسلوبى فى الرد و يارب ماحدش يزعل منى لأن بجد زى ماقلت فى الأول بأعتبر كل اللى فى الأكاديمية عائلة حقيقية ليا
![صورة](http://egyptwrite.com/w/images/smilies/icon_e_smile.gif)
ويلا إن شاء الله هأحاول أبقى موجود أكتر تدريجيا كده لحد ماعنيا ترتاح وأرجع تانى أزهقكوا طول اليوم وكمان أرجع لحرب الأحزاب اللى سبتها مضطر بسبب تعبى ده...وأنا سمعت إشاعة فى الجرايد بتقول إن تعب عنيا ده كان حسد من حزب البنات
![صورة](http://egyptwrite.com/w/images/smilies/icon_mrgreen.gif)
![صورة](http://egyptwrite.com/w/images/smilies/okay.gif)
![صورة](http://egyptwrite.com/w/images/smilies/salam.gif)