صفحة 1 من 1
الحب خلاص
مرسل: 23 أكتوبر 2009, 1:31 pm
بواسطة elsayad
الحب خلاص
*******
كل كلام الحب نسيته خلاص
بعد حبيبي ما سابنى ضاع مِنّي الإحساس
خلى مشاعري وقلبي وروحي
إتمحوا م الإخلاص
***
وخلاص مبقتش ءآمن
لأى قلب حيناديني
ولو كان حبه كامن
ف قلبي ومالت له عيني
***
حخبي عليه
واسأل نفسي ليه
أصّرح باللى جوايا
واندم على حبي ليه
***
خلاص نسيت انا سهر الليالي
ونسيت كمان خوفي عليه وانشغالي
وحعيش وحيد
وابقى بكدا ريّحت بالى
***
مهما زاد حبي
ومهما كان إحساسي عالي
أقدر أتحكم ف قلبي
واحرمه من أغلى غالي
***
وعمري ما حابكي عليه
ولا حتى دمعة واحدة حيشوفها بعنيه
كان صاحب الاختيار
ضيّعني من إيديه
***
خلاص معدش عندي كلام أقولهوله
أهو دا اللى كان ف يوم لو طلب عمري اديهوله
بعد جرحه وبعد غدره
لو جاني يترجاني . دين ولازم أردهوله
***
خلاص مفيش سماح بقة
ما دام القلوب متفرقة
وانا قلبي أصبح حجر
ومعدش في منه رجااااا
معدش في منه رجا
********
*****
***
Re: الحب خلاص
مرسل: 23 أكتوبر 2009, 2:13 pm
بواسطة محمد محمود
قصيدة جميلة يا عاطف
كلماتها كلها احساس عالي صورت بها حالة الفراق بعد الغدر
وكيف يكون القرار الصعب الذي يجمع بين قوة الشخصية وإيثار الألم على الهوان
تفاعلك رائع مع فكرة القصيدة
أتمنى لك دوام الإبداع 
Re: الحب خلاص
مرسل: 28 أكتوبر 2009, 8:53 pm
بواسطة elsayad
محمد محمود كتب:قصيدة جميلة يا عاطف
كلماتها كلها احساس عالي صورت بها حالة الفراق بعد الغدر
وكيف يكون القرار الصعب الذي يجمع بين قوة الشخصية وإيثار الألم على الهوان
تفاعلك رائع مع فكرة القصيدة
أتمنى لك دوام الإبداع
أخي العزيز / محمد محمود
أشكرك على رأيك الجميل فى قصيدتي وتفاعلك فى الرد أروع بجد .
كل الإحترام والتقدير لك متمنياً لك دوام التوفيق والنجاح .
Re: الحب خلاص
مرسل: 29 أكتوبر 2009, 6:43 am
بواسطة تنهيدة
لا ياعاطف عمر الحب ماهنقولة خلاص لانه عمرة مكان بأيدينا ,الحب داخل كل انسان فينا
احساس وهبه لينا رب العالمين عشان نقدر نواصل حياتنا لا عمر جرح ولا غدر بيقدر يموتة الشىء الوحيد فى الدنيا
الا مش بيقدر اى سلاح انه يقضى علية ....
تعرف دايما بحس ان اى كاتب فى الدنيا كتب كلمة عتاب لحبيبتة او وصفها بالغدر او كتب ان محى الحب من قلبه وتفكيرة بعتبر دا بجد منتهى الحب .. اه بنبعد وبنفترق واوقات بنتجرح لكن كل شىء ممكن يرحل الا الحب ..
قصيدة جميلة بجد ياعاطف احسايس فى منتهى الصدق والروعة حسيت بعذاب البطل وبمدى حبه وكمان بمنتهى
قوتة فى مواصلة الحياة ...
دايما كتاباتك جميلة ومعبرة ...
أتمنى لك دائما دوام التميز وصدق الاحساس
Re: الحب خلاص
مرسل: 01 نوفمبر 2009, 8:43 pm
بواسطة elsayad
تنهيدة كتب:لا ياعاطف عمر الحب ماهنقولة خلاص لانه عمرة مكان بأيدينا ,الحب داخل كل انسان فينا
احساس وهبه لينا رب العالمين عشان نقدر نواصل حياتنا لا عمر جرح ولا غدر بيقدر يموتة الشىء الوحيد فى الدنيا
الا مش بيقدر اى سلاح انه يقضى علية ....
تعرف دايما بحس ان اى كاتب فى الدنيا كتب كلمة عتاب لحبيبتة او وصفها بالغدر او كتب ان محى الحب من قلبه وتفكيرة بعتبر دا بجد منتهى الحب .. اه بنبعد وبنفترق واوقات بنتجرح لكن كل شىء ممكن يرحل الا الحب ..
قصيدة جميلة بجد ياعاطف احسايس فى منتهى الصدق والروعة حسيت بعذاب البطل وبمدى حبه وكمان بمنتهى
قوتة فى مواصلة الحياة ...
دايما كتاباتك جميلة ومعبرة ...
أتمنى لك دائما دوام التميز وصدق الاحساس
تنهيدة / يتضح من كلامك الجميل أن قلبك طيب وعطوفة وحنونة جداً جداً مثلى تماما وأحياناً يوبخني القريبين مني لهذه الطيبة نحو الاصدقاء والاحباب كما ينصحونني بعدم الثقة المتناهية فى أى أحد . . نعم مررت بكثير من المواقف الصعبة وتعلمت منها الكثير والكثير ولكن ما لا يعرفه الناس عني هو ما ذكرته فى قصيدتي وهو بالرغم من طيبة قلبي هذه إلا أنني أكره قسوته عندما يغدر به وأحب أيضاً تسامحه عند الإعتذار والعفو بسرعة وكأن شيئاً لم يكن ، ، ، يااااه يا تنهيدة طولت فى الرد ونسيت أقولك إني اتشرفت جداً بردك الجميل على قصيدتي وأتمنى لكي من كل قلبي دوام التوفيق فى أعمالك ويارب دايماً يفضل إحساسك كدا على طول .