مفيش مستحيل
*******
مش كل مرة تغلط وتقول هي الأخيرة
راحت فين عزيمتك ولا ما باليد حيلة
مفيش مستحيل ف الحياة مستحيل
وكل شئ ف إيدك ولو على بعد ميل
دي إرادتك وحدها . . حتمحي المستحيل
***
خد دروس فى دنيتك من كل شئ بتشوفه عنيك
ومتستحيش م الفشل مرة ولا تستحي من ضحك الناس عليك
خلى عزيمتك قوية . . ولو مين فى طريقك حتاخد اللى ليك
***
واياك واليأس دا اليأس آخره ضياع
حاول تانى وتالت متقولش خلاص وداع
لا هي نهاية العالم . . ولا آخر الأوجاع
***
واللى يقولك خلاص انت تمام متصدقوش
حاول تبقى أحسن وحقك متسيبوش
د احنا ف زمان فيه الإنسان . . الخير لصاحبه ميحبهوش
الخير لصاحبه ميحبهوش
بكل أسف . .
********
*****
***
طبعاً أنا مبعممش فى البيت الأخير بس دي حاجة أنا حسيتها مع الأصحاب فى الغربة وخصوصاً المصريين مع بعضهم للأسف ودا واقع وانا زعلان جداً وانا بكتب الكلام ده .