(مش بتكلم عليها علشان مش بحبها ...بالعكس انا نفسى تبقى احسن)
بين الحقيقة و الخيال
غزة (رويترز) - قال سكان في بلدة رفح ومسؤولو أمن بحركة حماس الاسلامية ان طائرات اسرائيلية قصفت أنفاقا تستخدم لتهريب السلع والاسلحة بمحاذاة الحدود بين قطاع غزة ومصر في الساعات الاولى من يوم الاربعاء. وقالت متحدثة باسم الجيش الاسرائيلي انها تتحرى التقرير . وكانت السلطات الأمنية المصرية قد قامت منذ عدة ايام بإخلاء معبر رفح وإغلاقه بعد ان وردت معلومات عن قرب ضربه جوية إسرائيلية للشريط الحدودي بين مصر وقطاع غزة وفى محيط المعبر. وقالت مصادر أمنية ان إسرائيل أبلغت الصليب الأحمر الدولي ان الطائرات العسكرية الإسرائيلية ستستأنف غاراتها على منطقة الشريط الحدودي. وقد هددت إسرائيل بالقيام بعمل عسكري جديد لمنع حماس من إعادة تسليح ترسانتها من الصواريخ التي استخدمتها في قصف بلدات في جنوب إسرائيل. وقد تدفق مئات الفلسطينيين على الحدود بين غزة ومصر في محاولة لإصلاح أنفاق التهريب التي قصفتها إسرائيل خلال حملتها العسكرية واعادة شريان الحياة التجاري الى القطاع
هذا الخبر قد تم نقله من احدى الجرائد و ليس السؤال ما هى الجريدة و لكن هل هذا الخبر صحيح ام لا و هل من الممكن ان يكون لهذا الخبر سبب معين و لو كان هذا الخبر غير صحيح فمن له المصلحة فى نشره كل هذه التساؤلات خرجت من مكنونتى عندما قرات هذا الخبر
لو كانوا يعلمون الغيب مالبثوا فى العذاب المهين...
أنا عن نفسى مش عارف يا محمد بس أتمنى فعلا إن تكون دى حقيقة مع إن المفترض إن الموضوع ده يحصل علنا مش سرا...ويبقى توريد الأسلحة مش لحماس ولا أى حركة...لكن لجيش فلسطينى حقيقى...ده المفروض يعنى...بس إزاى يحصل المفروض ده...أرجع أقول لو كانوا يعلمون الغيب....
ثمة أسماء و ألقاب تبقى..بقاء الأرض..بقاء السماء..و بقاء الكلمات...
ثمة أشياء تتعلق حياتها بأماكنها..بتوابيت مغلقة تخشى الإبتعاد عنها...
رغم أن الحياة..قد تكمن فى هذا البعد...
.....
أحتمال كبير يامحمد أن يكون الخبر صح لكن هى ده بقت سياسة مصر متعلنش أى خبر ممكن يفرح الشعب المصرى ويزعل منها ناس تانية بس حقيقى أنا بتمنى أننا نكون بنساعد فلسطين بكل الا نقدر علية ..متشكرين أوى يامحمد على أخبارك انا بفكر نعمل قسم للاخبار وتبقى أنت يامحمد المشرف علية ايه رأيك ..شوف أنا بساعدك ازاى مع انك من الحزب المعادى
آخر تعديل بواسطة تنهيدة في 29 يناير 2009, 3:10 am، تم التعديل مرة واحدة.
شكرا على ردك يا و ليد و بصراحة انا راى ان ماينفعش اننا نعلن المساعدة فى الوقت الحالى لان ده مش فى مصلحتنا ده ردا على ردك اما بالنسبة لراى تنهيدة فانا اولا بشكرها على ردها بس بصراحة مش عارف رايها نقد ولا امتيازيعنى بصراحة انا عن نفسى عايز اعرف ان كان رايها نقد خلاص هحاول انى اعدل و لو كانت ميزة احاول انى ازيد من موضوعاتى عموما فى كل الاحوال شكرا على الرد على الموضوع
واللهى يامحمد أنا مش قصدى خااااااالص نقد بالعكس دا شايفة انك بتقدملنا أخبار مهمة جدا وبتخلينا نقول رأينا ونتناقش وانت من الأعضاء الا بحترم رايهم جدا وبحب دايما أتابع مواضعهم لانى بحس فيه بحب مصر أوى..أنا أسفة بجد يامحمد لو كنت ضيقتك بردى بس واللهى انا مكنش قصدى أى شىء ..وطبعا أنا بتمنى أنك تزيد من موضوعاتك ..
اولا شكرا على ردك و اهتمامك بردى ده اولا.. ثانيا انا عمرى ما بزعل من اى نقد و بالاخص من انسانة مثقفة و كاتبة من الى بفتخر انهم فى الموقع و انتى اكيد عارفة كده بس كنت عايز انبه عن حاجة انى فى اخبار ما ينفعش تكتبيها الا زى ماهية مكتوبة و ده لان اى تغيير فى الخبر قد يؤدى الى ان يكون خبر كاذب و لكن من الممكن ان اكتب باسلوبى و ده بيحصل و لثانى مرة شكرا على ردك