الحقيقة
كلمة من عمر الزمان
كلمة تايهة
زي موجة
وسط بحر ملوش أمان
زي دم بيجري فينا
زي نور قدام عنينا
زي شمس بتلاقينا
مهما ليل الحيرة كان
الحقيقة
ياللي بتسأل
هيه فين؟
الحقيقة
عايزة قلب يحس بيها
مش عنين
عايزة ضمير
لساه بينبض بالحياة
الحقيقة
روح بتبحث عن كيان
أولا برحب بيك فى أكاديمتنا الجميلة ....وبتمنالك أن تسعد معنا فى هذا المكان الرائع
ثانيا بحيك جدااااا على اسلوبك المميز وعلى فكرتك الجميلة ...
تتكلم عن الحقيقة بشكل أكثر من رائع كلماتك سلسه تصل سريعا لقلب القارئ
أعجبت كثيرا ببداية القصيدة الحقيقة
كلمة من عمر الزمان
كلمة تايهة
زي موجة
وسط بحر ملوش أمان
زي دم بيجري فينا
زي نور قدام عنينا
زي شمس بتلاقينا
تعبيرات جميلة بجد فالحقيقة تايهة فعلا فى زمان أصبح كل شىء فيه كذب والصدق مش موجود والصادق أنسان نادر مش لاقى مكانه جميل هو وصفك للحقيقة بأنها روح
بحيك وبتمنالك كل التوفيق
زميلنا العزيز أحييك على هذا المستوى الجميل في الكتابة رغم قصر القصيدة إلا أن كلماتها جاءت فياضة فكرتها جيدة جدا ً ، أسلوبك في التعبير غاية في الرقي أشكرك وأرجو أن نقرأ لك دائما ً أعمالا ً بنفس المستوى .
تواضع تكن كالبدر لاح لناظر ٍ على صفحات الماء وهو رفيع ُ
ولا تك كالدخان يعلو بنفســه إلى طبقات الجو وهو وضيـــع ُ
الحقيقة الظاهرة لينا
نور بيضوي
تقتله ضلمة عنينا
لو نعاند
أو ساعات
تستخبى حقيقة فينا
لو ندور منلاقيش حقايقنا ظاهرة
بس لسة عشان تبان
الحقايق تسعى تلقالها مكان
وسط نفس زكية طاهرة
السيد فهيم
أتمنى وضع أفضل أعمالك فى التوقيع الخاص بك
وآسف إني مش متابع الأقسام كلها لأنى والله مشغول جامد ومبقعدش عالنت إلا أربع ساعات فى الأسبوع تقريباً ، والله أنا زهقت من نظام الكفيل دا وعلى فكرة أنا ناوي أكتب قصيدة كوميدية بخصوص موضوع الكفيل ، " ربنا يرحمنا منه" دا إسمها .
أشكرك مرة أخرى وأتمنى لك التوفيق .