اقتراحاتك وتعليقاتك بالنسبة للأكاديمية

[قلب حزين]

هاى ياجماعة أنا كنت بفكر نبدأ موضوع مناقشة كده عشان كل اللى عنده اقتراح بالنسبة للشكل والألوان فى الأكاديمية أو حتى اقتراح اقسام جديدة يعنى مثلا انا نفسى يبقى فيه قسم بناتى خاص بيهم لوحدهم يعنى يحكو فيه مشاكلهم وكده وعادى الرد مفتوح فيه للكل بس انا قصدى ككيان خاص بالبنات فى الموقع اللى مع اقتراحى ده يقولى واللى عنده اى تعليق على الأكاديمية او اقتراح بالنسبة لأقسام جديدة يقولها هنا ويارب مايكون الموضوع ده يضايق إدارة الموقع لأن متهيألى هما كمان اكيد لازم يعرفو كل اللى فى الموقع تعليقاته وأفكاره ايه عشان تبقى أكاديميتنا دى أكاديمية كبيرة بجد يلا ورونا الكلام وماتنسوش تقولولى رأيكوا فى اقتراحى

[Egypt Write]

شكرا على طرحك لهذا الموضوع, كان فى النية طرح موضوع كهذا فى الأيام القادمة لذا فيمكن استبداله بهذا الموضوع.
بالطبع إدارة الأكاديمية ترغب فى معرفة آراء كل الأعضاء حول مسار الأكاديمية والمسابقة ونسعد دائما عندما نتلقى أسئلة من الأعضاء عن الموقع. وبمناسبة الأسئلة نود أن نوضح إجابة السؤال الذى راسلنا به أحد أعضاء الأكاديمية أمس بخصوص ستايل الموقع ولونه الجديد, اللون الجديد اختيارى أى أن كل عضو يريد الرجوع إلى الشكل القديم يمكنه ذلك عن طريق لوحة التحكم - إعدادات المنتدى - ستايل المنتدى . لذا يمكنك عرض الأكاديمية باللون الذى تفضله, وسوف يتم إضافة ألوان أخرى بإستمرار. وسوف يتم أيضا تعديل شكل ولون الصفحة الرئيسية بالكامل مع بداية المسابقة رسميا يوم 11 نوفمبر, ويسعدنا دائما تلقى أى اقتراحات أو أسئلة من الأعضاء بكل ترحيب وحب.
بخصوص إقتراحك مريم, أقتراح لانحبذه لأن طابع الأكاديمية الأدبى لايسمح بقسم خاص للبنات فالأدب والكتابة شئ عام للجميع, مع ذلك فإن هذا الموضوع سيقوم مقام التصويت وحسب ردود الأعضاء على أقتراحك سننفذه فورا, فكما قلنا الأكاديمية مجتمع مشاركة فى الأراء والقرارات, مع تمنايتنا للجميع بقضاء وقت مفيد فى الأكاديمية.
إدارة الأكاديمية

[الأمير الحائر]

أهلا يامريم...موضوع كويس انك بدأتيه عشان نوصل رأينا دايما لإدارة الموقع وأنا عن نفسى بأقترح فتح أقسام جديدة تناسب الأعضاء اللى مش ليهم فى الكتابة أوى بحيث إن يبقى الأكاديمية مش بس للكتابة ممكن يبقى فيه أقسام تانية كتير عشان الكل يكتب فيها وأول مايجيلى فكرة قسم هأكتبها هنا ان شاء الله...
بالنسبة لأقتراحك يامريم هو شوية بناتى عشان كده مش أقدر أديكى رأيى فيه البنات هما اللى ممكن يدوكى رأيهم وأكيد إدارة الموقع زى ماقالت لو أنتو اتفقتوا هيعملو القسم ده
شكرا بجد لإدارة الأكاديمية على تطوير الموقع الدائم وعجبنى على فكرة الستايل الجديد أحسن من الأولانى مش عايز أرجع ليه...هو الستايل الأول كان ألوانه أهدى بس اللى دلوقتى ده رومانسى أكتر عشان نعرف نكتب قصص حب كويسة ههههه
ومستنيين ان شاء الله تطور أكتر وأكتر فى الأكاديمية سلام